നടൻ ഇർഫാൻ‌ ഖാൻ അന്തരിച്ചു; മറഞ്ഞത് ലോക സിനിമയിലെ ഇന്ത്യൻ മുഖം

By on

അന്താരാഷ്ട്ര തലത്തിൽ പ്രസിദ്ധിനേടിയ ഇന്ത്യൻ ചലച്ചിത്ര താരം ഇർഫാൻ ഖാൻ അന്തരിച്ചു. വൻകുടലിലെ അണുബാധയെത്തുടർന്ന് മുംബൈ അന്ധേരിയിലെ കോകിലബെൻ ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലായിരുന്നു.ചൊവ്വാഴ്ചയാണ് രോ​ഗം കൂടിയതിനെത്തുടർന്ന് അദ്ദേഹത്തെ തീവ്രപരിചരണ വിഭാ​ഗത്തിൽ പ്രവേശിപ്പിച്ചത്. 53 വയസായിരുന്നു. 2018 ൽ ഇർഫാൻ ഖാന് ന്യൂറോ എൻഡോക്രൈൻ റ്റ്യൂമര്‍ സ്ഥിരീകരിച്ചിരുന്നു. 2019 ൽ മാസങ്ങളോളം വിദേശത്ത് ചികിത്സയിലായിരുന്നു. ഹോമി അഡ്ജാനിയയുടെ അം​ഗ്രേസി മീഡിയം ആണ് അവസാനം പുറത്തിറങ്ങിയ ചിത്രം.
വ്യത്യസ്തമായ അഭിനയശൈലിയും മികവും കൊണ്ട് ഏറെ ശ്രദ്ധനേടിയ അഭിനേതാവായിരുന്നു ഇർഫാൻ ഖാൻ. മഖ്ബൂൽ, പാൻ സിം​ഗ് തോമർ, ഹൈദർ, ലഞ്ച് ബോക്സ് തുടങ്ങി നിരവധി ചിത്രങ്ങളിൽ കഥാപാത്രങ്ങളെ അതുല്യമാക്കിയ ഇർഫാൻ ഖാൻ ലോകസിനിമയിൽ ഇന്ത്യയുടെ മുഖം കൂടിയായിരുന്നു. ഇർഫാൻ ഖാൻ. ഓസ്കർ പുരസ്കാരം നേടിയ സ്ലംഡോ​ഗ് മില്യനയർ തുടങ്ങി നിരവധി വിദേശ ചിത്രങ്ങളിൽ അദ്ദേഹം അഭിനയിച്ചിട്ടുണ്ട്. ജുറാസിക് വേൾഡ്, ലൈഫ് ഓഫ് പൈ, അമേസിം​ഗ് സ്പൈഡർമാൻ എന്നീ ചിത്രങ്ങളിലും അദ്ദേഹം അഭിനയിച്ചിട്ടുണ്ട്.


Read More Related Articles