പുനെയിൽ വമ്പൻ പരസ്യഹോഡിംഗ് വീണ് നാല് മരണം; നിരവധി പേർക്ക് പരിക്ക്-video
പുനെയിലെ ജുനാ ബസാർ ചൗക്കിൽ വമ്പൻ പരസ്യബോഡ് വാഹനങ്ങൾക്ക് മേൽ വീണ് നാല് പേർ മരിച്ചു. നിരവധി പേർക്ക് പരിക്കുണ്ട്. രണ്ട് പേർ സംഭവസ്ഥലത്ത് തന്നെ മരിച്ചു. തിരക്കേറിയ ഗതാഗത സമയത്ത് സിഗ്നൽ കാത്തുനിന്ന വാഹനങ്ങൾക്കുമേലാണ് പരസ്യ ഹോഡിംഗ് വീണത്. ഇന്ന് ഉച്ചയ്ക്ക് 2 മണിയോടെയാണ് സംഭവം. പരിക്കേറ്റവരിൽ സമർത്ഥ് പരദേശി എന്ന നാല് വയസായ കുട്ടിയുമുണ്ട്. . ശ്യാമറാവു ധോത്രേ, ഭീം റാവു കസാർ എന്നിവരാണ് സംഭവ സ്ഥ‌ലത്ത് തന്നെ മരിച്ചത്. ജാവേദ് ഖാൻ, ശിവജി പരദേശി, എന്നിവർ സാസൂൺ ആശുപത്രിയിലും മരിച്ചു.
നാലുവയസുകാരനെ കൂടാതെ കിരൺ തോസാർ, യശ്വന്ത് ഖോബ്രേ, മഹേഷ് വിശ്വേശ്വർ, രുക്മിണി പരദേശി, കൈലാഷ് ഗെയ്ക്വാദ്, തിരിച്ചയപ്പെടാത്ത ഒരു അമ്പത്തിയഞ്ച്കാരൻ എന്നിവർക്കാണ് പരിക്കേറ്റത്. അപകടത്തിന്‍റെ സിസിറ്റിവി ദൃശ്യം
