സാമ്പത്തിക തട്ടിപ്പ്​ കേ​സി​ൽ ബിജെപി മുൻ മന്ത്രി ജ​നാ​ർ​ദ​ന റെ​ഡ്​​ഡി അറസ്റ്റിൽ

സാമ്പത്തിക തട്ടിപ്പ്​ കേ​സി​ൽ ബി.ജെ.പി. നേതാവും മുൻ മന്ത്രിയുമായ ജ​നാ​ർ​ദ​ന റെ​ഡ്​​ഡിയെ സെൻട്രൽ ക്രൈംബ്രാഞ്ച്​ അറസ്​റ്റ്​ ചെയ്​തു. തെളിവുകളുടെയും സാക്ഷി മൊഴികളുടെയും അടിസ്​ഥാനത്തിലാണ്​ ജനാർദ്ദന റെഡ്ഡിയെ അറസ്​റ്റ്​ ചെയ്തതെന്ന് അന്വേഷണ തലവൻ അലോക്​ കുമാർ അറിയിച്ചു. മുൻകൂർ ജാമ്യാപേക്ഷ കോടതി പരിഗണിക്കുന്നതിന്​ ഒരു ദിവസം മുന്നേയാണ്​ അറസ്​റ്റ്​. റെഡ്ഢിയുടെ സഹായി അലി ഖാനെയും അറസ്റ്റ് ചെയ്തിട്ടുണ്ട്. നിക്ഷേപകരിൽ നിന്നും 600 കോടി രൂപ തട്ടിയെടുത്ത ആമ്പിഡൻറ്​ ഗ്രൂപ്പ് ഉടമ സൈ​ദ് ഫ​രീ​ദ് അ​ഹ​മ്മ​ദിനോട്​ സാമ്പത്തിക തട്ടിപ്പ്​ കേസിൽ നിന്ന്​ ഒഴിവാക്കാൻ കോഴവാങ്ങി എന്നതാണ് കേസ്.

ത​നി​ക്കെ​തി​രാ​യ ആ​രോ​പ​ണ​ങ്ങളെ കുറിച്ച് അ​ഭി​ഭാ​ഷ​ക​നി​ലൂ​ടെ​യും മാ​ധ്യ​മ​ങ്ങ​ളി​ലൂ​ടെ​യു​മാ​ണ് അ​റി​യു​ന്ന​തെ​ന്നും പ​ണ​മി​ട​പാ​ട് സം​ബ​ന്ധി​ച്ച് അറിവി​ല്ലെ​ന്നു​മാ​ണ് റെ​ഡ്​​ഡി മൊ​ഴി ന​ൽ​കിയ​ത്. ഖ​നി അ​ഴി​മ​തി​ക്കേ​സി​ൽ അ​റ​സ്​​റ്റി​ലാ​യ ജ​നാ​ർ​ദ​ന റെ​ഡ്​​ഡി​ക്ക് 2015ലാ​ണ് ജാ​മ്യം അ​നു​വ​ദി​ച്ചത്. കർണ്ണാടകയിലെ പ്രമുഖനായ ജനാർദ്ധന റെഡ്‌ഡിയ്‌ക്കെതിരായ കേസ് ബിജെപിയെ പ്രതിരോധത്തിലാക്കുമെന്നാണ് വിലയിരുത്തപ്പെടുന്നത്.