കൊറോണ: ഇന്ത്യയടക്കം 14 രാജ്യങ്ങളിലേക്ക് സഞ്ചരിച്ചവർക്ക് താത്കാലിക പ്രവേശന നിരോധനം ഏർപ്പെടുത്തി ഖത്തർ

കൊറോണ വൈറസ് ഭീതിയുടെ സാഹചര്യത്തിൽ ഇന്ത്യയടക്കം 14 രാജ്യങ്ങളിലേക്ക് യാത്ര ചെയ്തവർക്ക് രാജ്യത്തേക്കുള്ള പ്രവേശനം താത്കാലികമായി നിരോധിച്ച് ഖത്തർ.
ചൈന, ഈജിപ്ത്, ഇന്ത്യ, ഇറാൻ, ഇറാഖ്, ലെബനോൻ, ബാം​ഗ്ലദേശ്, നേപ്പാൾ, പാകിസ്താൻ, ഫിലിപ്പീൻസ്, ദക്ഷിണ കൊറിയ, ശ്രീലങ്ക, സിറിയ, തായ്ലൻ‍് എന്നീ രാജ്യങ്ങളിലേക്ക് സഞ്ചരിച്ചവർക്കാണ് വിലക്ക്. ഇറ്റലിയിലേക്കും അവിടെ നിന്നുമുള്ള വിമാനങ്ങൾ ഖത്തർ നേരത്തെ തന്നെ റദ്ദാക്കിയിരുന്നു. ഞായറാഴ്ചയോടെ ഖത്തറിൽ മൂന്ന് പേർക്ക് കൂടി വൈറസ് ബാധ സ്ഥിരീകരിച്ചു. ഇതോടെ രോ​ഗബാധിതരുടെ എണ്ണം 15 ആയി.
മാർച്ച്​ ഒമ്പതുമുതലാണ്​ യാത്രാവിലക്ക്​ ബാധകമാവുന്നത്​. ഓൺഅറൈവൽ വിസയിൽ എത്തുന്നവർ, റെസിഡൻസ്​ പെർമിറ്റ്​ ഉള്ളവർ, വർക്ക്​ പെർമിറ്റ്​ ഉള്ളവർ, താൽക്കാലിക സന്ദർശകർ എന്നിവർക്കൊക്കെ നിരോധനം ബാധകമാണ്. യാത്രാവിലക്കിന്റെ കാര്യം ഇന്ത്യൻ എംബസിയും റ്റ്വീറ്റ് ചെയ്തിരുന്നു.