ചോദ്യങ്ങൾ ട്രംപിന് ഇഷ്ടമായില്ല; സിഎൻഎൻ റിപ്പോർട്ടറുടെ പ്രസ് പാസ് വൈറ്റ് ഹൗസ് റദ്ദാക്കി
അമേരിക്കൻ പ്രസിഡന്‍റ് ഡോണൾഡ് ട്രംപിന് ഇഷ്ട്ടപ്പെടാത്ത ചോദ്യങ്ങൾ ചോദിച്ചതിന് സിഎൻഎൻ റിപ്പോർട്ടറുടെ പ്രസ് പാസ് വൈറ്റ് ഹൗസ് റദ്ദാക്കി. വാർത്താ സമ്മേളനത്തിനിടെ കുടിയേറ്റക്കാരെ കുറിച്ച് ട്രംപിനോട് ചോദ്യങ്ങൾ ഉന്നയിച്ച ജിം അകോസ്റ്റയെന്ന സി.എൻ.എൻ റിപ്പോർട്ടറുടെ പ്രസ് പാസ് ആണ് വൈറ്റ് ഹൗസ് റദ്ദാക്കിയത്. ചോദ്യം ചോദിച്ച് ബുദ്ധിമുട്ടിച്ച സി.എൻ.എൻ റിപ്പോർട്ടറോട് ഇരിക്കാനും മൈക്ക് താഴെ വെക്കാനും ട്രംപ് ആവശ്യപ്പെട്ടെങ്കിലും അകോസ്റ്റ വിസമ്മതിക്കുകയായിരുന്നു. തുടർന്ന് മര്യാദയില്ലാത്തവനെന്നും ചീത്ത മനുഷ്യനെന്നും ട്രംപ് അകോസ്റ്റയെ വിളിക്കുകയായിരുന്നു.
പ്രസ് പാസ് സസ്പെൻഡ് ചെയ്ത വൈറ്റ് ഹൗസ് നടപടി മറുപടിയില്ലാത്ത ചോദ്യങ്ങൾ ചോദിച്ചതിനുള്ള പ്രതികാര നടപടിയാണെന്ന് സിഎൻഎൻ ആരോപിച്ചു.
