ഇവിഎം സ്റ്റ്രോംഗ് റൂമുകൾക്ക് കാവൽ നിൽക്കാൻ ആഹ്വാനം ചെയ്ത് പ്രിയങ്ക ഗാന്ധി; ‘എക്സിറ്റ് പോൾ കിംവദന്തികൾ’ വിശ്വസിക്കരുതെന്നും ശബ്ദ സന്ദേശം
വോട്ടിംഗ് യന്ത്രങ്ങൾക്ക് കാവൽ നിൽക്കാൻ ആഹ്വാനം ചെയ്ത് കോൺഗ്രസ് നേതാവ് പ്രിയങ്ക ഗാന്ധിയുടെ ശബ്ദ സന്ദേശം. കോൺഗ്രസ് പ്രവർത്തകരെ അഭിംസബോധന ചെയ്യുന്ന ശബ്ദ സന്ദേശമാണ് പ്രിയങ്ക ഗാന്ധി പുറത്ത് വിട്ടത്. എക്സിറ്റ് പോളുകൾ കണ്ട് മനസ് മടുത്ത് പോവരുതെന്നും പ്രവർത്തകരുടെ അധ്വാനം ഫലം കാണുമെന്നും പ്രിയങ്ക ഗാന്ധി തന്റെ സന്ദേശത്തിൽ പറയുന്നു.
”ഊഹാപോഹങ്ങളിലും എക്സിറ്റ് പോളുകളിലും മനസ് മടുക്കരുത്. ഇതെല്ലാം നിങ്ങളുടെ വീര്യം കെടുത്താനായി മെനഞ്ഞവയാണ്. ഇതെല്ലാം കാരണം നിങ്ങളുടെ ജാഗ്രതയ്ക്ക് പ്രാധാന്യമേറുകയാണ്. സ്റ്റ്രോംഗ് റൂമുകളിലും വോട്ടെണ്ണൽ കേന്ദ്രങ്ങളിലും നിങ്ങൾ കാവലാകണം. ഞങ്ങളുടെയും നിങ്ങളുടെയും കഠിനാധ്വാനം ഫലവത്താകുമെന്ന് ഉറപ്പാണ്” എന്നാണ് ശബ്ദ സന്ദേശത്തിൽ പ്രിയങ്ക ഗാന്ധി പറയുന്നത്.
പ്രിയങ്കയുടെ ഓഡിയോ കേള്‍ക്കാം
